Aberta a inscrición nas actividades dos Centros de Maiores de Caixa Galicia

Tai-chi, ioga, pilates, obradoiros de informática e traballos manuais… comezarán en xaneiro

22 decembro 2009

No mes de xaneiro darán comezo as novas actividades socioculturais que a Obra Social Caixa Galicia organiza na súa rede de Centros de Maiores para ofrecer unha alternativa de lecer saudable a persoas maiores de 55 anos.

A ampla programación de actividades está enfocada a favorecer a autonomía das persoas maiores e, polo tanto, a mellorar a súa calidade de vida adecuándose ás súas preferencias, intereses e posibilidades.

Actividades

Os obradoiros programados por Obra Social Caixa Galicia fomentan a actividade física, a saúde, a creatividade, as habilidades sociais e a exercitación da memoria das persoas maiores para que así manteñan o seu benestar físico e mental.

As actividades con máis éxito de demanda son as relacionadas coa actividade física, polos beneficios que achegan á saúde o tai-chi, ioga, chi-kung, pilates, bioximnasia, …

Para adestrar e manter activa a mente programáronse obradoiros de exercitación de memoria, aprendizaxe de idiomas, obradoiro literario, obradoiro de xornalismo… Ademais, tamén poden participar en obradoiros de teatro, guiñol, risoterapia…

E para desenvolver as súas habilidades manuais, potenciar a súa imaxinación e creatividade, os maiores tamén poden anotarse, na rede de Centros de Maiores de Obra Social Caixa Galicia, a diversos obradoiros de manualidades: bordado e traballo de retallos, encaixe de palillos, pintura ao óleo,…

A aprendizaxe de novas tecnoloxías é, así mesmo, posible nas ciberaulas dos centros de maiores. Ademais de dispoñer de acceso libre a equipos informáticos e a internet, Obra Social Caixa Galicia ten programados cursos de iniciación á informática, a internet, ao correo electrónico e ao manexo da fotografía dixital.

Pre-inscrición

As actividades comenzarán en xaneiro. As prazas son limitadas. As persoas maiores que desexen participar nalgunha actividade deben dirixirse ao seu centro máis próximo para realizar os trámites de matrícula.

Chama ou achégate ao Centro de Maiores da túa localidade!

Centro de Maiores da Coruña. Rúa Alta, 7. Teléfono: 981 227 677

Centro de Maiores de Betanzos. Cantón de San Roque 3. Teléfono: 981 772 911

Centro de Maiores de Ferrol. Avda. de Vigo, 192, baixo. Teléfono: 981 323 378

Centro de Maiores de Pontedeume. Ferreiros, 20. Teléfono: 981 431 304

Centro de Maiores de Santiago de Compostela. Carreira do Conde, 18-baixo. Teléfono: 981 580 385

Centro de Maiores de Lugo. Carril do Mercado, 1. Teléfono: 982 241 878

Centro de Maiores de Monforte de Lemos. Cardenal Rodrigo de Castro, 18. Teléfono: 982 402 853

Centro de Maiores de Viveiro. Avda. Marina, 49. Teléfono: 982 560 798

Centro de Maiores de Ourense. Rúa do Paseo, 6. Teléfono: 988 236 303

Centro de Maiores de Pontevedra. Praza San José, 3. Teléfono: 986 864 185