Conferencia de Isabel González Lado: "Xantando en familia"

O xoves 18 de marzo na Coruña

16 marzo 2010

 Obra Social Caixa Galicia colabora con USP Fundación Alex, pertencente a USP Hospital Santa Teresa, no desenvolvemento do programa “Tempo e espazos para pais”, unha escola de pais que se está a desenvolver na Coruña ao longo deste ano.

Especialistas de recoñecido prestixio e experiencia abordan, a través de 10 sesións, varios temas de actualidade e interese para os pais como educadores.

Á vez, co fin de que os pais aprendan a influír positivamente nos seus fillos, crearase unha rede de apoio continuada, dirixida por unha psicóloga e unha pedagoga, para crear espazos onde compartir pensamentos, sentimentos, experiencias e teorías sobre a educación.

PROGRAMA DE CONFERENCIAS Escola de Pais 2009/2010 (entrada libre):

• 18 marzo 2010 .“Xantando en familia”.

Isabel González Lado. Médico Psiquiatra da Unidade de Trastornos da Alimentación do Complexo Hospitalario Universitario de Santiago de Compostela.

19.30 horas. Aula de Cultura Caixa Galicia .R/ Médico Rodríguez, 2-4. A Coruña.

USP Fundación Alex

A Fundación Alex é unha institución sen ánimo de lucro que nace en xullo de 2006 grazas á sensibilidade e ao esforzo de todos os que forman parte de USP Hospitais por comprometerse socialmente e de forma desinteresada con quen máis o necesita, os nenos, e co ben máis prezado, a saúde.

A fundación recolle as actividades de acción social que, durante estes anos, se puxeron en marcha dende os hospitais, organízaas no marco dunha política de responsabilidade social corporativa ordenada e coherente, e á vez crea unha plataforma para impulsar novas iniciativas e proxectos de investigación, formación e divulgación relacionados coa saúde e cunha especial atención á infancia.