“Imaxes con imaxinación: unha ollada ao futuro”, exposición fotográfica nos Centros de Maiores de Obra Social Caixa Galicia

Organizada en colaboración coa Sociedade Galega de Xerontoloxía e Xeriatría

27 abril 2010

Obra Social Caixa Galicia organiza, en colaboración coa Sociedade Galega de Xerontoloxía e Xeriatría, a exposición fotográfica sobre persoas maiores: “Imaxes con imaxinación: unha ollada ao futuro”, composta por fotografías que versan sobre as seguintes temáticas:

• O reflexo do paso do tempo no corpo.
• O que facemos.
• Sentido e sensibilidade.
• Seres sociais.
• As axudas precisas.
• O noso medio fala de nós.

Trátase dunha exposición itinerante que percorrerá os Centros de Maiores de Obra Social Caixa Galicia situados en Viveiro, Ferrol, Ourense, Lugo, Betanzos, Monforte, Pontedeume, Pontevedra e Santiago. Esta itinerancia iniciouse na Coruña no marco da Escola Internacional de Xerontoloxía que promove Obra Social Caixa Galicia.

Obradoiro xerontolóxico

Paralelamente á exposición organizarase, en cada centro, un obradoiro xerontolóxico "Imaxes con imaxinación: unha ollada cara ao futuro..."  impartido polos psicólogos Encarna Álvarez e Enrique Galindo.

A partir da observación das imaxes que compoñen a exposición, os participantes poderán reflexionar conxuntamente sobre os sentimentos, experiencias e vivencias que suscitan as fotografías coa finalidade de aprender a afrontar a vellez con plenitude. A súa finalidade é traballar a prevención da deterioración da autoimaxe e a promoción de relacións afectivas saudables das persoas maiores.

O obradoiro diríxese a calquera persoa maior de 55 anos que queira participar. A inscrición é gratuíta e realízase en cada centro. As prazas son limitadas.

DATAS

PONTEVEDRA. Do 14 de outubro ao 10 de novembro de 2010

Data do obradoiro: 19 de outubro

SANTIAGO.  Do 18 de novembro ao 16 de decembro de 2010

Data do obradoiro: 23 de novembro