Actividades infantís mariñas

A Fundación Mª José Jove e a Obra Social de Caixa Galicia comparten a súa preocupación pola educación medioambiental e o coñecemento do contorno dos máis novos.

A través da realización de actividades náuticas nun contorno natural, pretenden educar e concienciar aos máis novos na protección e respecto ao medio ambiente.

 

Todas as actividades están dirixidas a nenos de entre 8 e 11 anos. Celebraranse nas instalacións de Marina Seca, en Oza / A Coruña.

 

Aula de Mar: xuño - setembro

 

A Aula de Mar é unha actividade que combina diferentes actividades, tanto de carácter deportivo como de carácter educativo. Está orientada a nenos da cidade da Coruña e a súa área metropolitana, xa que non contempla aloxamento durante o seu desenvolvemento.

 

Semana Azul: xullo - agosto

 

Con igual programa e obxectivos que a Aula de Mar, inclúe aloxamento e pensión completa na residencia Rialta da Coruña e facilita a participación a aqueles nenos procedentes de zonas interiores e con menos acceso ao mar e o seu contorno.

 

Obxectivos de Aula de Mar e Semana Azul

  • Coñecer o patrimonio biolóxico mariño da nos comunidade e aprender a repectalo.
  • Aprender a navegar a vela.
  • Coñecer o patrimonio histórico da ría da Coruña.
  • Fomentar a convivencia.
  • Navegar e coñecer o medio ambiente.

Duración Aula de Mar e Semana Azul: 5 xornadas. Consulta datas

 

Xornadas de educación medioambiental: marzo - xuño

 

É unha actividade dunha xornada de duración, de inscrición libre, na que participarán 20 nenos. Gran parte da actividade desenvolverase a bordo dun barco de vela. A xornada inclúe unha sesión de educación medioambiental no Castelo de Santa Cruz. Os nenos estarán acompañados dun biólogo. As xornadas realizaranse as fins de semana.

 

Xornadas de coñecemento medioambiental: abril - maio - xuño

 

É unha actividade dunha xornada de duración dirixida exclusivamente a colexios na que participarán 20 nenos. Gran parte da actividade desenvolverase a bordo dun barco de vela. A xornada inclúe unha sesión de educación medioambiental no Castelo de Santa Cruz. Os nenos estarán acompañados dun biólogo. As xornadas realizaranse durante a semana.

 

 Obxectivos das xornadas de educación e coñecemento medioambiental

 

  • Descubrir o patrimonio biolóxico mariño da nosa comunidade e aprender a respectalo.
  • Coñecer novas formas respectuosas de interacción co medio ambiente.

Duración Xornadas de educación e coñecemento medioambiental: 1 xornada durante a fin de semana. Consulta datas

 

Como acceder?

 

Se estás interesado, debes cubrir e asinar un dos formularios de inscrición:

E envialo por correo ordinario á Fundación Mª José Jove (Polígono de A Grela - Edificio Work Center - C/Galileo Galilei, 4A - 15008 A Coruña) ou á Obra Social de Caixa Galicia (C/ San Andrés, 135-137, 1º - 15003 A Coruña).

 

Descarga o folleto da actividade.

 

Recoméndase levar nunha mochila

 

Infórmate en:

http://www.fundacionmariajosejove.org/- 981 160 265

http://www.obrasocialcaixagalicia.es/- 981 188 340